Back Huil Afrikaans بكاء Arabic Lloru AST Paghibi BCL Плач Bulgarian Plor Catalan Tiè-mà CDO Pláč Czech Weinen German Κλάμα Greek
Mihad nopo nga iso istilah i sumuku kumaa kowoyo-woyoon poposoliwan romou mato sabaagi respon montok topurimanan sosongulun. Korotian mihad nogi nga milo pokomoyon sabaagi do iso fenomena secretomotor kompleks i nonggo kosoliwan romou mato sosongulun mantad aparat romou mato miampai amu papaampai koluhuyon (kerengsaan) okular struktur. Kiwaa o piromutan neuron, pembuluh romou mato om kinoyonon tutok tulun i popohompit kumaa topurimanan i nakaasil. Ingga o tayam i kaanu poposoliwan romou mato sabaagi respons kumaa kinantakan emosional mulong po do au asaga i piipiro saintis montok do kointalangan diti. Tumanud do iso ponoriukan, kiwaa o lobi 300 tulun mihad i nonggo songulun kusai mihad insan do sombulan om tondu nopo nga inlimo do mihad id sombulan loolobi po pogulu om mamaaso do gambahon. Romou i nakaasil soira do mihad nga kiwaa o komposisi kimia di misuai ko romou mato kawo suai : Kiwaa o hormon prolaktin, adrenocorticotropic, Leu-enkephalin om roromu pongubatan.